Sparkspekingurinn Guillem Balague skrifar fréttaskýringu á vefsíðu BBC þar sem hann fjallar um ástæðu þess að Atletico Madrid hefur lánað Joao Felix til Chelsea út tímabilið.

Í hnotskurn liggur ástæðan í samskiptum hans og stjórans Diego Simeone, þeir horfi mismunandi augum á leikinn og hreinlega á lífið í heild sinni.

Hinn 23 ára Felix hafi fulla trú á sínum hæfileikum en Simeone þykir leikmaðurinn „alls ekki eins góðan og fólk heldur að hann sé“. Þá er Simoene ekki ánægður með hugarfar leikmannsins, hvorki innan vallar né utan.

„Stjóranum finnst Portúgalinn ekki eins góður og fólk heldur að hann sé og að eina ofurstjarnan sem hann sé með í leikmannahópi sínum sé Antoine Griezmann," skrifar Balague.