Fyrrum liðsfélagi Loris Karius hjá Mainz í Þýskalandi er ósáttur með hvernig félag Karius, Liverpool, tók á hans málum í kjölfar úrslitaleiksins í Meistaradeildinni 2018.
Karius gerði nokkur mistök sem markvörður Liverpool og komu þau stærstu í úrslitaleiknum. Giulio Donati er á því að Jurgen Klopp hafi gengið of langt þegar hann sendi Karius á tveggja ára lán.
Karius gerði nokkur mistök sem markvörður Liverpool og komu þau stærstu í úrslitaleiknum. Giulio Donati er á því að Jurgen Klopp hafi gengið of langt þegar hann sendi Karius á tveggja ára lán.
„Því miður tóku fjölmiðlar og fólk sem ræðir fótbolta upp á því að blása upp þessi mistök," sagði Donati við Tribalfootball.com.
„Við getum ekki gleymt því að Liverpool hefði aldrei komist í úrslit ef Karius hefði ekki verið í markinu í leikjunum á undan."
„Hann var ungur maður sem gerði mistök í úrslitaleiknum. Það er satt að þetta var mikilvægur leikur en það hefði ekki átt að þurrka út allt það góða sem hann gerði áður."
„Ég er klár á því að Karius hefði gert vel í framhaldinu hjá Liverpool en því miður munum við aldrei vita neitt um það þar sem hann er í Tyrklandi."
„Þegar ég spilaði með honum þá veitti hann mér sjálfstraust og það hjálpaði mikið að vera með jafngóðan markvörð fyrir aftan sig," sagði Donati að lokum.
Karius er á sínu öðru ári á láni hjá Besiktas frá Liverpool. Félagið keypti Alisson Becker þarsíðasta sumar og tók hann stöðu Karius hjá félaginu.
Athugasemdir