Ejub Purisevic hefur verið ráðinn sem aðstoðarþjálfari meistaraflokks karla hjá Stjörnunni.
Ejub er með mikla reynslu úr þjálfun. Hann gerði magnaða hluti fyrir fótboltann í Snæfellsbæ en hann sagði skilið við Víking Ólafsvík eftir tímabilið 2018. Hann kom fyrst til félagsins 2003.
Hann hefur síðan verið að þjálfa í yngri flokkum Stjörnunnar en er núna mættur í meistaraflokkinn.
„Ejub þekkir félagið inn og út og verður mikill styrkur í því að hafa hann mér við hlið, ég er spenntur fyrir framhaldinu,” sagði Þorvaldur.
„Ég er mjög ánægður með traustið sem Þorvaldur og félagið sýna mér, næsta verkefni er Víkingur á morgun,” sagði Ejub.
Þorvaldur tók við Stjörnunni eftir að Rúnar Páll Sigmundsson sagði starfi sínu lausu eftir fyrsta leik Íslandsmótsins. Stjarnan tapaði 2-0 fyrir Keflavík í síðustu umferð en næsti leikur liðsins er við Víking á morgun.
Athugasemdir