12.05.24 - 11:03
Sæbjörn Þór Þórbergsson Steinke
Enn eitt áfallið fyrir Vestra - Fatai lengi frá
Fatai Gbadamosi
Mynd: Fótbolti.net - Hafliði Breiðfjörð
Fatai Gbadamosi
Mynd: Fótbolti.net - Hafliði Breiðfjörð
Vestramenn hafa svo sannarlega ekki haft heppnina með sér þegar kemur að meiðslum. Rétt í þessu var tilkynnt að Fatai Gbadamosi væri rifbeinsbrotinn og verður hann frá næstu 12 vikurnar.
Þetta eru þriðju alvarlegu meiðslin sem leikmenn Vestra lenda í frá því að síðasta tímabili lauk. Liðið varð fyrir áfallið þegar miðvörðurinn Gustav Kjeldsen sleit hásin í vetur og í upphafi móts meiddist sá sem var fenginn til að leysa Kjeldsen af, Eiður Aron Sigurbjörnsson. Eiður á allavega rúmlega tvo mánuði eftir í sínu endurkomuferli eftir að hafa ristarbrotnað.
Þetta eru þriðju alvarlegu meiðslin sem leikmenn Vestra lenda í frá því að síðasta tímabili lauk. Liðið varð fyrir áfallið þegar miðvörðurinn Gustav Kjeldsen sleit hásin í vetur og í upphafi móts meiddist sá sem var fenginn til að leysa Kjeldsen af, Eiður Aron Sigurbjörnsson. Eiður á allavega rúmlega tvo mánuði eftir í sínu endurkomuferli eftir að hafa ristarbrotnað.
Fatai lék allan leikinn gegn FH fyrir rúmri viku síðan og var ekki í leikmannahópnum gegn ÍA í gær. Ástæðan fyrir því er rifbeinsbrot. Hann lenti í samstuði á æfingu í vikunni og rifbeinsbrotnaði.
Fatai er 25 ára nígerískur varnarsinnaður miðjumaður sem er á sínu fjórða tímabili hér á landi. Davíð Smári Lamude, þjálfari Vestra, fékk Fatai til Kórdrengja tímabilið 2021 og tók hann svo með sér þegar hann var ráðinn þjálfari Vestra. Fatai hafði spilað í heimalandinu og í Tyrklandi áður en hann kom til Íslands.
„Það eru mikil skakkaföll í hópnum um þessar mundir en okkur þykir leitt að tilkynna að miðjumaðurinn Fatai Adebowale Gbadamosi er rifbeinsbrotinn eftir samstuð á æfingu í vikunni. Áætlað er að endurhæfingin taki allt að 12 vikur. Við sendum batakveðjur á Fatai og hlökkum til að sjá hann á vellinum seinnipart móts," segir í tilkynningu Vestra.
Fatai er 25 ára nígerískur varnarsinnaður miðjumaður sem er á sínu fjórða tímabili hér á landi. Davíð Smári Lamude, þjálfari Vestra, fékk Fatai til Kórdrengja tímabilið 2021 og tók hann svo með sér þegar hann var ráðinn þjálfari Vestra. Fatai hafði spilað í heimalandinu og í Tyrklandi áður en hann kom til Íslands.
„Það eru mikil skakkaföll í hópnum um þessar mundir en okkur þykir leitt að tilkynna að miðjumaðurinn Fatai Adebowale Gbadamosi er rifbeinsbrotinn eftir samstuð á æfingu í vikunni. Áætlað er að endurhæfingin taki allt að 12 vikur. Við sendum batakveðjur á Fatai og hlökkum til að sjá hann á vellinum seinnipart móts," segir í tilkynningu Vestra.
