Sindri í leiknum gegn KA.
Daði Freyr.
Sindri Kristinn Ólafsson átti ekki sinn besta dag í marki FH þegar liðið mætti KA um helgina. Sindri gerði slæm mistök í jöfnunarmarki KA í leiknum en það slapp allt til því Kjartan Kári Halldórsson kom FH yfir skömmu síðar og reyndist það sigurmarkið. Fyrir utan markið átti Sindri í brasi í leiknum.
Guðmundur Hilmarsson, FH-ingur og fyrrum blaðamaður hjá Morgunblaðinu, kallaði eftir því á samfélagsmiðlum að FH myndi skipta um markmann. Daði Freyr Arnarsson er í leikmannahópi FH og hefur verið á bekknum í fyrstu tveimur leikjum.
Guðmundur Hilmarsson, FH-ingur og fyrrum blaðamaður hjá Morgunblaðinu, kallaði eftir því á samfélagsmiðlum að FH myndi skipta um markmann. Daði Freyr Arnarsson er í leikmannahópi FH og hefur verið á bekknum í fyrstu tveimur leikjum.
Lestu um leikinn: KA 2 - 3 FH
Heimir guðana bænum skiptu um markmann. Sindri búinn að vera skelfilegur og var að gefa mark.????
— Guðmundur Hilmarsson (@GummiHilmars) April 13, 2024
Fótboti.net ræddi við Kjartan Henry Finnbogason, aðstoðarþjálfara FH, og var hann spurður út í markmannsmálin.
„Sindri er frábær markmaður, við erum með tvo frábæra markmenn. Þetta var bara ákvörðun sem við tókum fyrir fyrsta leik. Markmannsstaðan er fyrir okkur alveg eins og allar hinar. Við unnum leikinn, það er mjög gott að þegar markmaðurinn á kannski sinn besta dag að hinir leikmennirnir bakki hann upp. Sindri á eftir að standa sig vel í sumar, frábær drengur og svo erum við með Daða kláran líka," sagði Kjartan.
FH á leik gegn HK um næstu helgi og svo er leikur gegn Val í Mjólkurbikarnum.
Athugasemdir
