![Lengjudeildin](/images/leng_150x150.png)
Þegar vel var liðið á uppbótartíma leiks Þróttar og ÍBV á fimmtudagskvöld þurfti Jörgen Pettersen, leikmaður Þróttar, að fá aðhlynningu á vellinum. Hann missti meðvitund og var strax í kjölfarið fluttur á Læknavaktina þar sem kom í ljós að hann fékk heilahristing.
„Ég man bara eftir því að vakna á vellinum og Bergsveinn sjúkraþjálfari er hjá mér og er að lýsa með vasaljósi í augun á mér og spyrja mig spurninga," segir Jörgen við Fótbolta.net.
„Ég man bara eftir því að vakna á vellinum og Bergsveinn sjúkraþjálfari er hjá mér og er að lýsa með vasaljósi í augun á mér og spyrja mig spurninga," segir Jörgen við Fótbolta.net.
Lestu um leikinn: Þróttur R. 2 - 1 ÍBV
„Ég man eftir öllu öðru úr leiknum, en ég man ekkert hvað gerðist þar sem ég missti samstundis meðvitund þegar ég skall í jörðinni."
„Ég fór á Læknavaktina og var skoðaður af lækni sem staðfesti að ég hefði fengið heilahristing, en ég þurfti ekki að vera áfram á sjúkrahúsinu."
„Núna líður mér nokkuð vel, en hef verið með höfuðverk frá því að þetta gerðist. Sviminn fer minnkandi og vonandi hverfur hann alveg eftir nokkra daga í viðbót af hvíld svo ég geti farið að spila aftur," segir Jörgen.
Hann er mjög þakklátur fyrir það hvernig sjúkraþjálfarinn Bergsveinn Ás Hafliðason höndlaði stöðu mála á vellinum og sömuleiðis er hann þakklátur þeim Oliver Heiðarssyni og Alex Frey Hilmarssyni, leikmönnum ÍBV, sem sýndu skjót viðbrögð og aðstoðuðu. Norski miðjumaðurinn þakkar þeim fyrir.
Jörgen fór í návígi við Oliver, ætlaði sér að ná til boltans sem var í loftinu en lenti mjög illa. Þegar Oliver leit til baka hljóp hann að Jörgen og kannaði hvort allt var í lagi.
Jörgen er 26 ára miðjumaður sem er á sínu öðru tímabili með Þrótti eftir að hafa þar á undan leikið tvö tímabil með ÍR í 2. deild. Hann skoraði sex mörk í Lengjudeildinni í fyrra og hefur skorað þrjú mörk í ár.
Lengjudeild karla
Lið | L | U | J | T | Mörk | mun | Stig |
---|---|---|---|---|---|---|---|
1. ÍBV | 18 | 10 | 5 | 3 | 39 - 20 | +19 | 35 |
2. Fjölnir | 19 | 9 | 7 | 3 | 31 - 22 | +9 | 34 |
3. Keflavík | 18 | 8 | 7 | 3 | 28 - 19 | +9 | 31 |
4. Njarðvík | 19 | 8 | 7 | 4 | 31 - 23 | +8 | 31 |
5. ÍR | 19 | 8 | 7 | 4 | 27 - 23 | +4 | 31 |
6. Afturelding | 18 | 8 | 3 | 7 | 29 - 31 | -2 | 27 |
7. Þróttur R. | 18 | 6 | 5 | 7 | 25 - 22 | +3 | 23 |
8. Grindavík | 18 | 5 | 6 | 7 | 29 - 35 | -6 | 21 |
9. Þór | 18 | 4 | 7 | 7 | 26 - 31 | -5 | 19 |
10. Leiknir R. | 18 | 5 | 3 | 10 | 22 - 29 | -7 | 18 |
11. Dalvík/Reynir | 18 | 2 | 7 | 9 | 19 - 33 | -14 | 13 |
12. Grótta | 19 | 3 | 4 | 12 | 27 - 45 | -18 | 13 |
Athugasemdir