Luton 2 - 0 Sunderland (3-2 samanlagt)
1-0 Gabriel Osho ('10)
2-0 Tom Lockyer ('43)
Sunderland er dottið úr leik í umspilinu um sæti í efstu deild á Englandi eftir 2-0 tap gegn Luton Town í kvöld.
Sunderland vann fyrri leikinn 2-1 á heimavelli en réði ekki við Luton á útivelli.
Gabriel Osho og Tom Lockyer skoruðu mörk heimamanna í fyrri hálfleik.
Liðin áttu jafn mikið af marktilraunum í leiknum en marktilraunir gestanna úr Sunderland sköpuðu litla sem enga hættu, á meðan heimamenn í Luton hefðu getað unnið leikinn með stærri mun miðað við gæði færanna.
Luton mætir annað hvort Middlesbrough eða Coventry í úrslitaleik umspilsins.
Athugasemdir