Cole Campbell á U17 æfingu síðasta haust.
Hinn sextán ára gamli William Cole Campbell er á leið til Dortmund í sumar en þangað til mun hann æfa með Breiðabliki. Þetta staðfesti Sigurður Hlíðar Rúnarsson, deildarstjóri knattspyrnudeildar hjá Breiðabliki, við Fótbolta.net í dag.
Hjörvar Hafliðason, Dr. Football, hafði sett inn færslu á Twitter fyrr í dag þar sem hann hafði heyrt af skiptunum. „William Campell Cole gengur til liðs við Breiðablik í dag frá FH samkvæmt heimildum. Hann fer svo til Dortmund í júlí," skrifaði Hjörvar.
Hjörvar Hafliðason, Dr. Football, hafði sett inn færslu á Twitter fyrr í dag þar sem hann hafði heyrt af skiptunum. „William Campell Cole gengur til liðs við Breiðablik í dag frá FH samkvæmt heimildum. Hann fer svo til Dortmund í júlí," skrifaði Hjörvar.
„Hann er farinn frá FH og vantaði stað til þess að æfa á þangað til hann fer út í júlí. Við gáfum honum leyfi til þess," sagði Sigurður.
Sigurður kvaðst ekki vita af hverju Cole væri að fara frá FH: „Það verður einhver en annar en ég að svara fyrir. Hann ákvað að fara frá FH."
Breytist eitthvað í hans framtíð?
„Nei, allt með Dortmund er klárt, frágengið. Breiðablik er ekkert að koma inn í þann díl. Hann vantaði bara stað til þess að æfa þangað til hann fer út," sagði Sigurður.
Cole Campbell er sóknarsinnaður miðjumaður sem á að baki fimm unglingalandsleiki.
William Campell Cole gengur til liðs við Breiðablik í dag frá FH samkvæmt heimildum.
— Hjörvar Hafliðason (@hjorvarhaflida) May 17, 2022
Hann fer svo til Dortmund í júlí. pic.twitter.com/D2M6sC48u4
Athugasemdir
