Fyrsta umferðin í Pepsi Max-deild kvenna fór fram um helgina. Fylkir vann Selfoss 1-0 í hörkuleik í Árbænum og Kjartan Stefánsson, þjálfari Fylkis, er þjálfari umferðarinnar.
Vörn Fylkis var öflug í leiknum en Katla María Þórðardóttir miðvörður Árbæinga er leikmaður umferðarinnar. María Eva Eyjólfsdóttir átti góðan leik í vörninni og í markinu var Cecilía Rán Rúnarsdóttir mjög öflug.
Valur byrjaði á öruggum sigri gegn KR. Elín Metta Jensen og Hlín Eiríksdóttir voru báðar á skotskónum og Hallbera Gísladóttir átti góðan dag í bakverðinum.
Sveindís Jane Jónsdóttir stimplaði sig inn með marki í sínum fyrsta leik með Breiðabliki í Pepsi Max-deildinni. Blikar unnu FH 3-0.
Miyah Watford var í miklu stuði í 4-3 sigri ÍBV á Þrótti R. en hún skoraði tvö mörk og fiskaði vítaspyrnu. Hjá gestunum skoraði Stephanie Mariana Ribeiro einnig tvö mörk.
Þór/KA byrjaði mótið á 4-1 sigri á Stjörnunni. Karen María Sigurgeirsdóttir skoraði tvö mörk og María Catharina Ólafsd. Gros var feykilega öflug á hægri vængnum.
Athugasemdir