Stuðningsmenn Borussia Dortmund, gulir og glaðir.
Þýska félagið Borussia Dortmund hefur sent frá sér yfirlýsingu þar sem það gagnrýnir hvernig ítölsk yfirvöld hafa meðhöndlað suma stuðningsmenn liðsins.
Einhverjir stuðningsmenn Dortmund sem ætluðu á leikinn gegn Atalanta í Meistaradeildinni munu missa af honum. Sumum þeirra var neitað um inngöngu inn í Ítalíu og aðrir fengu lögregluheimsókn á dvalarstaði sína.
Einhverjir stuðningsmenn Dortmund sem ætluðu á leikinn gegn Atalanta í Meistaradeildinni munu missa af honum. Sumum þeirra var neitað um inngöngu inn í Ítalíu og aðrir fengu lögregluheimsókn á dvalarstaði sína.
„Félaginu var ekki tilkynnt fyrirfram um þessar óhóflegu aðgerðir. Það lýsir yfir furðu sinni á þeim lögregluaðgerðum sem hafa verið framkvæmdar. Aldrei hefur áður verið gripið til svona umfangmikilla aðgerða í tengslum við leiki Borussia Dortmund erlendis,“ segir í yfirlýsingu Dortmund.
Félagið segir að aðgerðirnar séu óskiljanlegar og setur spurningamerki við hegðun ítalskra yfirvalda.
Dortmund vann fyrri leikinn á heimavelli 2-0. Sigurliðið mun mæta Arsenal eða Bayern München í 16-liða úrslitum Meistaradeildarinnar.
Athugasemdir
