„Við gerðum þetta óþarflega spennandi," sagði Heimir Guðjónsson þjálfari FH eftir 2-1 sigur á Grindavík í 16-liða úrslitum Borgunarbikarsins í kvöld.
Grindvíkingar minnkuðu muninn á 88. mínútu efti rað FH hafði komist í 2-0 í fyrri hálfleik.
„Eftir að þeir skoruðu vorum við að reyna of mikið til að þeir myndu jafnan leikinn en við tókum þetta. Við spiluðum á köflum vel og þetta var sanngjarn sigur."
Kantmaðurinn ungi Sigurður Gísli Snorrason fékk tækifæri í byrunarliði FH í kvöld.
„Siggi átti góða kafla og datt niður þess á milli. Við erum mjög ánægðir með Sigga. Hann hefur verið að bæta sig mikið í betur og þegar liðið hefur á sumarið. Okkur fannst hann verðskulda sæti í byrjunarliðinu. Þetta er fínn lærdómur fyrir hann."
Dregið verður í 8-liða úrslit í Borgunarbikarsins á morgun. Á Heimir draumamótherja þar?
„Ég ætla að senda Birgi (Jóhannsson) framkvæmdastjóra því ég er með æfingu í hádeginu. Hann mun koma sterkur inn í drættinum á morgun og vonandi gera góða hluti fyrir okkur."
