Það yrði mikið áfall fyrir Rosenborg ef liðið kemst ekki áfram.
Sparkspekingurinn Jesper Mathisen hjá TV2 í Noregi segir að viðvörunarbjöllur myndu hringja í norskum fótbolta ef Rosenborg fellur úr leik gegn Val í forkeppni Meistaradeildarinnar.
Rosenborg og Valur mætast í dag klukkan 17:45 að íslenskum tíma en það kom Norðmönnum gríðarlega á óvart að Valur hafi unnið 1-0 sigur í fyrri leiknum.
Rosenborg og Valur mætast í dag klukkan 17:45 að íslenskum tíma en það kom Norðmönnum gríðarlega á óvart að Valur hafi unnið 1-0 sigur í fyrri leiknum.
„Það yrði skammarlegt og vandræðalegt ef Rosenborg fellur úr leik gegn Val. Það var vont að tapa á Íslandi en ef það vinnst ekki sannfærandi sigur heima er það áfall," segir Mathisen.
Hann hefur ekki verið hrifinn af spilamennsku Rosenborg á leiktíðinni en liðið er þó aðeins tveimur stigum frá toppi norsku deildarinnar.
„Rosenborgarliðið hefur ekki verið eins gott og við héldum fyrir tímabilið. Það hefur skort takt í liðið og sóknarleikurinn hefur ekki verið eins öflugur."
Þá segir Mathisen að svo erfitt sé fyrir lið frá norðurlöndum að komast í Meistaradeildina að raunhæfara markmið fyrir Rosenborg væri að komast í riðlakeppni Evrópudeildarinnar.
Fótbolti.net er í Þrándheimi í samstarfi við Origo og leikurinn verður í beinni textalýsingu.
Athugasemdir
