England: Tottenham að missa af Evrópu? - Everton vann

Steven Bergwijn kom Tottenham yfir gegn Aston Villa með glæsilegu marki en Sergio Reguilon skoraði skrautlegt sjálfsmark nokkru síðar og staðan 1-1.

Aston Villa var betra liðið út fyrri hálfleik og tók forystuna með marki frá Ollie Watkins, sem skoraði eftir góða pressu hjá Bertrand Traore.

Seinni hálfleikurinn var nokkuð jafn þar sem bæði lið fengu færi en inn vildi boltinn ekki og lokatölur 1-2. Tottenham er með 59 stig fyrir lokaumferðina.

Tottenham 1 - 2 Aston Villa
1-0 Steven Bergwijn ('8 )
1-1 Sergio Reguilon ('20 , sjálfsmark)
1-2 Ollie Watkins ('39 )

Gylfi Þór Sigurðsson var þá í byrjunarliði Everton gegn Úlfunum. Staðan var markalaus eftir jafnan fyrri hálfleik og voru heimamenn betri eftir leikhlé.

RIcharlison skoraði skömmu eftir leikhlé og virtist sigurinn ekki í hættu. Everton verðskuldaði stigin og er jafnt Tottenham og West Ham á stigum í 6-8. sæti úrvalsdeildarinnar.

Joe Willock skoraði þá eina mark leiksins í sigri Newcastle gegn Sheffield United.

Willock er hjá Newcastle að láni frá Arsenal og hefur þessi efnilegi miðjumaður skorað í sex úrvalsdeildarleikjum í röð.

Everton 1 - 0 Wolves
1-0 Richarlison ('48 )

Newcastle 1 - 0 Sheffield Utd
1-0 Joseph Willock ('45 )

Það getur tekið tíma fyrir stöðutöfluna að uppfærast