Aron Sigurðarson braut ísinn gegn Grindvíkingum á 26. mínútu og gerði Eiður Gauti annað markið sjö mínútum síðar.

Ástbjörn Þórðarson bætti við þriðja markinu áður en flautað var til loka fyrri hálfleiks.

Eiður Gauti gerði annað mark sitt á 54. mínútu áður en Damir Muminovic minnkaði muninn fyrir Grindvíkinga nokkrum mínútum síðar.

Tristan Gauti og Jón Ernir Ragnarsson kláruðu síðan dæmið fyrir KR með tveimur mörkum undir lok leiks og lokatölur 6-1 fyrir KR sem er á toppnum í riðli 3 með fullt hús stiga eftir tvo leiki en Grindavík án stiga á botninum.

Tristan skoraði seinna mark KR-inga í 2-0 sigrinum á KA í fyrstu umferðinni.

Vestri vann dramatískan 2-1 sigur á Ægi í Akraneshöllinni.

Marinó Steinar Hagbarðsson skoraði fyrir Vestra á síðustu mínútu fyrri hálfleiks en Jordan Adeyemo, markahæsti maður Ægis á síðustu leiktíð, jafnaði metin snemma í þeim síðari.

Allt stefndi í að liðin myndu deila stigunum á milli sín, en Sergine Fall var á öðru máli og tókst að krækja í sigurmark fyrir gestina í lokin.

Annað tap Ægis í Lengjubikarnum sem er án stiga í riðli 1, en Vestri, sem var að spila sinn fyrsta leik í keppninni í ár, kominn með þrjú stig.

Úrslit og markaskorarar:

KR 6 - 1 Grindavík
1-0 Aron Sigurðarson ('26 )
2-0 Eiður Gauti Sæbjörnsson ('33 )
3-0 Ástbjörn Þórðarson ('44 )
4-0 Eiður Gauti Sæbjörnsson ('54 )
4-1 Damir Muminovic ('56 )
5-1 Jón Ernir Ragnarsson ('80 )
6-1 Tristan Gauti Línberg Arnórsson ('86 )

Ægir 1 - 2 Vestri
0-1 Marinó Steinar Hagbarðsson ('45 )
1-1 Jordan Adeyemo ('50 )
1-2 Sergine Fall ('90 )