„Mér líður bara mjög vel," sagði Alfreð Elías Jóhannsson, þjálfari Selfoss, eftir að hafa stýrt Selfossi til sigurs gegn Fylki í undanúrslitum Mjólkurbikars kvenna.
Lestu um leikinn: Fylkir 0 - 1 Selfoss
Grace Rapp skoraði eina mark leiksins þegar stundarfjórðungur var eftir af leiknum.
„Ég er dálítið ósáttur með fyrri hálfleikinn, en síðan kom formið og ákefðin okkar megin í seinni hálfleik. Vel gert."
„Það eru gæði í þessu liði og við verðum bara að hafa trú á því. Við þurfum alltaf að vinna fyrir hverjum einasta helvítis bolta. Við erum að fara í þennan bikarleik til að vinna. Punktur."
Selfoss mætir annað hvort KR eða Þór/KA í úrslitaleiknum. Þau lið mætast á morgun.
Viðtalið er hér að ofan.
Athugasemdir
