Tottenham gerði í dag jafntefli við Watford í ensku úrvalsdeildinni. Tottenham hefur gengið brösulega á tímabilinu og horfðu stuðningsmenn liðsins í leikinn gegn Watford í dag sem leik sem gæti snúið gengi liðsins við.

Tottenham var alls ekki sannfærandi til að byrja með og Watford komst yfir með marki frá Abdoulaye Doucure.

Tottenham stýrði leikum í kjölfarið en tókst ekki að jafna fyrr en á 86. mínútu. Dele Alli vann baráttuna við Ben Foster um lausan bolta og kom boltanum yfir línuna í kjölfarið.

VAR skoðaði atvikið og úrskurðaði markið löglegt. Á skjánum stóð hinsvegar að marki stæði ekki og menn furðuðu sig á því þegar dómari leiksins, Chris Kavanagh, dæmdi markið gott og gilt.

„Auðvitað er mér létt. Dómarinn hugsaði sig vel um en enginn vissi í rauninni af hverju. Ég var viss um að boltinn hefði ekki farið í höndina á mér en svo kemur upp efi þegar dómarinn skoðar þetta," sagði Alli eftir leik.

„Við gerðum okkur erfitt fyrir. Þeir komas yfir en svo stýrum við leiknum. Það var gott að fá að byrja en frammistaðan hjá liðinu svekkjandi," sagði Alli að lokum.

Tweet

Senda a Facebook Hafdu samband Senda frétt Prenta frétt Frétta leit