Jökull gekk í raðir FH eftir síðasta tímabil.
„Hann er Breti og þið þekkið kallinn, ég elska Breta.“
Jökull sneri til Íslands frá Englandi sumarið 2024.
Markvörðurinn stæðilegi Jökull Andrésson gekk í raðir FH frá Aftureldingu eftir síðasta tímabil. Hann segir fyrstu mánuðina sem FH-ingur hafa verið krefjandi en jafnframt skemmtilega.
Jökull er uppalinn Mosfellingur en hélt ungur að árum út til Englands og var á mála hjá Reading. Hann dvaldi í Englandi í sjö ár áður en hann hélt aftur heim til Aftureldingar sumarið 2024.
Fótbolti.net ræddi við Jökul um vistaskiptin og fyrstu mánuðina í Hafnarfirði.
Jökull er uppalinn Mosfellingur en hélt ungur að árum út til Englands og var á mála hjá Reading. Hann dvaldi í Englandi í sjö ár áður en hann hélt aftur heim til Aftureldingar sumarið 2024.
Fótbolti.net ræddi við Jökul um vistaskiptin og fyrstu mánuðina í Hafnarfirði.
Erfiðar æfingar sem skila sér
„Það er búið að vera geggjað, ótrúlega gaman að kynnast öllum strákunum og öllum þeim sem eru í kringum liðið. Það er mikil harka og æfingarnar eru búnar að vera erfiðar. En þannig fílar maður það.“
FH vann 7-0 stórsigur á Lengjudeildarliði Þróttar í síðustu viku.
„Við erum að púsla þessu vel saman á þann hátt sem Jói vill hafa þetta. Það kom vel fram á móti Þrótti. Það var ótrúlega góð orka frá okkur í leiknum, ég held að þetta sé hvernig við ætlum að sýna öðrum liðum hvernig við viljum hafa þetta.“
Elskar Breta
Hvernig líst þér á Jóa Kalla sem þjálfara?
„Hann er geggjaður. Hann er Breti og þið þekkið kallinn, ég elska Breta. Þetta er búið að vera geggjað. Hann er búinn að vera rosalega flottur og hefur hjálpað okkur strákunum. Hann vill gera sitt og við viljum bakka hann upp í að gera það og fara alla leið með þetta.“
Um ólguna í Kaplakrika
Það hefur mikið gengið á í Kaplakrika undanfarnar vikur og jafnvel talað um ólgu innan félagsins. Í því samhengi ber helst að nefna brottför Böðvars Böðvarssonar, en Jökull segir stemninguna í FH engu að síður góða.
„Það er verið að smíða okkur saman. Það er búið að vera mikið í gangi utan vallar en eina sem við getum gert er að vera sterkir saman og gera okkar. Það er ekkert annað sem við getum gert en að halda áfram.“
Ekki í landsliðshópnum
Jökull var ekki í landsliðshóp Arnars Gunnlaugssonar sem mun leika gegn Mexíkó í lok mánaðar.
„Auðvitað langar mig að vera í landsliðshópnum. En nú hef ég meira til að sýna hvað ég get gert. Þetta er spennandi ef eitthvað er, þetta er áskorun. Ég þarf að sýna Arnari hvað kallinn getur gert.“
Viðtalið má sjá í heild sinni í spilaranum hér að ofan. Jökull var einnig til tals í hlaðvarpinu Kjaftæðið á þriðjudaginn og er hægt að hlusta á þáttinn með því að smella á hlekkinn hér.
Athugasemdir
