Samkvæmt reglum á Ítalíu geta félög beðið um frestun á leik ef 35% af leikmannahópnum greinist með veiruna.

Reglugerðin byggir á 25 manna leikmannaópi svo níu smit hjá leikmönnum gætu dugað til að leiknum yrði frestað.

Venezia hefur ekki gefið nákvæmlega út hvort eða hvernig smitin skiptast milli leikmanna og starfsmanna. La Gazzetta dello Sport segir að átta leikmenn séu með Covid svo eitt tilfelli í viðbót myndi stuðla að frestun.

Arnór Sigurðsson er hjá Venezia og hefur komið við sögu í sex leikjum á tímabilinu. Hann hefur verið ónotaður varamaður í tvemur síðustu leikjum.

Salernitana er einnig í veiruvandræðum fyrir leik gegn Napoli.