England um helgina - Chelsea á Anfield og risaslagur á Emirates

Liverpool og Chelsea mætast klukkan 12:30 á morgun. Gengi Liverpool á þessari leiktíð hefur þótt afar slakt. Liðið situr í 9. sæti deildarinnar og nítján stigum á eftir toppliði Arsenal. Markmið Liverpool er nú að ná Meistaradeildarsæti en tíu stig eru í það sæti.

Chelsea hefur ekki verið að ná neitt sérstaklega hagstæðum úrslitum undir stjórn Graham Potter og því tvö lið sem eru að spila undir getu að mætast á Anfield.

Það er þá mikið undir er West Ham og Everton mætast á London-leikvanginum. David Moyes og Frank Lampard sitja báðir í heitu sæti og gæti annar þeirra fokið eftir helgina.

Newcastle heimsækir Crystal Palace í lokaleik dagsins. Palace náði í stig gegn Manchester United á dögunum en getur liðið stöðvað Newcastle?

Á sunnudaginn hefst dagurinn á leik Manchester City og Wolves á Etihad áður en Leeds mætir Brentford.

Stærsti leikur helgarinnar er svo klukkan 16:30 er Arsenal tekur á móti Manchester United. Arsenal er með átta stiga forystu á Man City og Man Utd, en ef Arsenal vinnur Man Utd þá eru draumar stuðningsmanna United um að vera í titilbaráttu úti.

Leikir dagsins:

Laugardagur:
12:30 Liverpool - Chelsea
15:00 West Ham - Everton
15:00 Southampton - Aston Villa
15:00 Leicester - Brighton
15:00 Bournemouth - Nott. Forest
17:30 Crystal Palace - Newcastle

Sunnudagur:
14:00 Man City - Wolves
14:00 Leeds - Brentford
16:30 Arsenal - Man Utd