Fótbolti.net

mán 20. maí 2024 08:30

Ívan Guðjón Baldursson

Pep: Stórkostlegir leikmenn en Foden hefur eitthvað meira

Mynd: Phil Foden

Pep Guardiola var kampakátur eftir sigur Manchester City gegn West Ham United í lokaumferð ensku úrvalsdeildarinnar í gær.

Man City bætti enn eitt metið með titlinum þar sem þetta var fjórði Englandsmeistaratitillinn sem liðið hampar í röð. Það er afrek sem hefur aldrei áður tekist í sögu efstu deildar í enskum fótbolta.

„Við áttum okkur á því að þetta mun aldrei verða auðvelt, við erum búnir að vinna flesta af þessum titlum naumlega. Fyrst var það Liverpool sem barðist við okkur og núna síðustu tvö árin hefur það verið Arsenal. Ég er ótrúlega stoltur af þessum árangri, ég hefði aldrei trúað því þegar ég tók við að við gætum unnið deildina sex sinnum á sjö árum. Það er ótrúlegt, sérstaklega eftir þessa mögnuðu þrennu í fyrra," sagði Guardiola eftir 3-1 sigur gegn West Ham.

„Við erum að vinna ótrúlega erfiða deild þar sem stórstjörnur eru að spila fyrir öll helstu liðin í kringum okkur. Ég hef verið heppinn í mínu starfi hérna að félagið hefur stutt mig í öllu því sem ég hef óskað eftir. Við erum félag sem byggir á mikilli vinnu þar sem allir innan félagsins leggja sitt af mörkum til að við getum náð árangri.

„Yfirmaður íþróttamála vinnur þrotlaust starf. Hann gefur mér frábæra leikmenn og ég þarf svo að laga leikstíl liðsins að þeim. Auðvitað get ég ekki notað Haaland sem falska níu, en svo þegar hann var meiddur þá fyllti Julian Alvarez í skarðið og stóð sig frábærlega."

City er með stjörnum prýddan leikmannahóp en sóknarleikmaðurinn knái Phil Foden hefur skarað framúr. Hann var valinn besti leikmaður enska úrvalsdeildartímabilsins og skoraði svo tvennu til að innsigla sigur City gegn West Ham í lokaumferðinni.

„Svo verð ég að hrósa Phil, hann hefur verið að standa sig ótrúlega vel og í dag var hann aðal stjarnan á stóra sviðinu. Við erum með marga stórkostlega leikmenn í hópnum en Phil hefur eitthvað meira."

Framtíð Guardiola hefur verið í umræðunni þar sem hann á aðeins eitt ár eftir af samningi við félagið.

„Ég er búinn að ræða við félagið og ég veit að ég vil vera áfram hérna á næstu leiktíð. Eftir það verðum við að sjá hvað gerist. Ég mun setjast niður með stjórninni og hefja viðræður.

„Ég býst samt ekki við því að vera hérna í átta eða níu ár í viðbót."

		L	U	J	T	ms:	mf:	mun	Stig
1	Arsenal	38	26	7	5	71	27	+44	85
2	Man City	38	23	9	6	77	35	+42	78
3	Man Utd	38	20	11	7	69	50	+19	71
4	Aston Villa	38	19	8	11	56	49	+7	65
5	Liverpool	38	17	9	12	63	53	+10	60
6	Bournemouth	38	13	18	7	58	54	+4	57
7	Sunderland	38	14	12	12	42	48	-6	54
8	Brighton	38	14	11	13	52	46	+6	53
9	Brentford	38	14	11	13	55	52	+3	53
10	Chelsea	38	14	10	14	58	52	+6	52
11	Fulham	38	15	7	16	47	51	-4	52
12	Newcastle	38	14	7	17	53	55	-2	49
13	Everton	38	13	10	15	47	50	-3	49
14	Leeds	38	11	14	13	49	56	-7	47
15	Crystal Palace	38	11	12	15	41	51	-10	45
16	Nott. Forest	38	11	11	16	48	51	-3	44
17	Tottenham	38	10	11	17	48	57	-9	41
18	West Ham	38	10	9	19	46	65	-19	39
19	Burnley	38	4	10	24	38	75	-37	22
20	Wolves	38	3	11	24	27	68	-41	20