Markvörðurinn Hugo Lloris, fyrirliði franska landsliðsins, hafði áður þurft að draga sig úr hópnum vegna meiðsla. Óvíst er hvort hann verði klár í Lundúnaslag Tottenham gegn Arsenal sem fram fer eftir landsleikjagluggann.

Á laugardag var Jordan Veretout hjá Marseille kallaður inn í franska hópinn vegna meiðsla Boubacar Kamara, daginn eftir að Kamara hafði komið í hópinn í stað Adrien Rabiot. Þá eru Paul Pogba, Karim Benzema og N'Golo Kante meðal franskra landsliðsmanna sem eru á meiðslalistanum.

Frakkland er í neðsta sæti í sínum riðli í Þjóðadeildinni og hætta á að liðið falli úr A-deildinni. Liðið mætir Austurríki á fimmtudag og ferðast svo til Kaupmannahafnar þremur dögum síðar og leikur gegn Dönum.