Davíð Kristján Ólafsson var í byrjunarliðinu hjá heimamönnum í Álasund á meðan Viðar Örn Kjartansson byrjaði hjá gestunum.

Viðar hefur verið heitur fyrir framan markið síðan hann samdi við Vålerenga en hann hefur skorað 7 mörk og lagt upp 2 í níu leikjum.

Hann fór af velli á 80. mínútu og kom Matthías Vilhjálmsson inná í hans stað.

Þetta var dýrkeypt jafntefli fyrir Vålerenga en liðið er í 3. sæti deildarinnar með 46 stig og fjórum stigum á eftir Molde sem er í 2. sæti. Álasund er á meðan í neðsta sætinu með aðeins 11 stig.