England um helgina - Stórleikir laugardag og sunnudag

Manchester United tekur á móti Fulham á sama tíma og Jóhann Berg Guðmundsson og félagar í Burnley heimsækja Crystal Palace í fallbaráttuslag.

Evrópubaráttulið Aston Villa og Brighton eiga þá heimaleiki við fallbaráttulið Nottingham Forest og Everton, áður en Englandsmeistarar Manchester City mæta til leiks.

Man City heimsækir Bournemouth klukkan 17:30 en stórleikur laugardagsins fer fram annað kvöld, þegar Arsenal tekur á móti Newcastle.

Arsenal þarf sigur í titilbaráttunni á meðan Newcastle þarf sigur í Evrópubaráttunni og því má búast við spennandi slag á Emirates leikvanginum.

Wolves taka á móti Sheffield United í eina úrvalsdeildarleik sunnudagsins, en stórleikur helgarinnar er þó á dagskrá klukkan 15:00.

Þar eru það Chelsea og Liverpool sem eigast við í úrslitaleik enska deildabikarsins á Wembley. Chelsea og Liverpool eru að mætast í úrslitaleiknum í annað sinn á þremur leiktíðum, en Liverpool vann eftir vítaspyrnukeppni árið 2022.

West Ham og Brentford eigast að lokum við í Lundúnaslag í ensku úrvalsdeildinni á mánudagskvöldið. Svo eru leikir í FA bikarnum í miðri viku.

Laugardagur:
15:00 Crystal Palace - Burnley
15:00 Aston Villa - Nott. Forest
15:00 Brighton - Everton
15:00 Man Utd - Fulham
17:30 Bournemouth - Man City
20:00 Arsenal - Newcastle

Sunnudagur:
13:30 Wolves - Sheffield Utd

Úrslitaleikur deildabikarsins
15:00 Chelsea - Liverpool

Mánudagur:
20:00 West Ham - Brentford