Elías Már var ekki í leikmannahópnum í dag
Íslendingaliðin NAC Breda og Venlo eru í góðri stöðu eftir fyrri leikinn í fyrstu umferð í umspili um sæti í efstu deild.
Elías Már Ómarsson var ekki í leikmannahópi NAC Breda sem vann 1-0 sigur á Maastricht í dag. Kristóer Ingi Kristinsson sat allan tímann á bekknum þegar Venlo vann 3-2 sigur á Willem II.
Seinni leikirnir fara fram á laugardaginn.
Sigurvegarinn í viðureign Breda og Maastricht mætir Emmen sem hafnaði í þriðja neðsta sæti í efstu deild en sigurvegarinn í viðureign Venlo mætir Almere City eða Eindhoven FC í undanúrslitum. Eindhoven er með 1-0 forystu eftir fyrri leikinn.
Sigurvegarinn í úrslitaleiknum vinnur sér sæti í efstu deild.
Athugasemdir
