Á leið til Rómar.
Roma er búið að finna arftaka Alisson sem fór til Liverpool í síðustu viku. Liverpool borgaði 67 milljónir punda fyrir Alisson sem gerir hann að dýrasta markverði sögunnar.
Það verður erfitt að fylla í skarð Alisson hjá Roma en samkvæmt fjölmiðlum í Svíþjóð verður sænska landsliðsmarkverðinum Robin Olsen falið það verkefni.
Hinn 28 ára gamli Olsen var strax sá leikmaður sem Roma vildi fá í staðinn fyrir Alisson.
Samkvæmt Football-Italia er Roma að fara að greiða FC Kaupmannahöfn 12 milljónir evra fyrir Olsen.
Olsen var aðalmarkvörður Svíþjóðar á HM og stóð sig þar með prýði er Svíar komust í 8-liða úrslit.
Athugasemdir
