Yamal, sem er 16 ára gamall, er þrátt fyrir ungan aldur kominn með fast sæti í byrjunarliði Börsunga.

Hann hefur bætt hvert metið á fætur öðru í bæði deild- og bikar, en hann er einnig orðinn fastamaður í spænska landsliðinu.

Paris Saint-Germain hefur sýnt honum mikinn áhuga síðustu mánuði og hefur Joan Laporta, forseti Barcelona, sagst hafa hafnað 200 milljóna evra tilboði í kappann. L'Equipe segir að PSG sé alvara, en það má þó ekki gleymast að kaupákvæðið í samningi Yamal hljóðar upp á einn milljarð evra.

Þar er væntanlega verið að tala um tilboð frá PSG, sem ætlar að gera allt til að fá hann í sumar. Börsungurinn Luis Enrique er þjálfari PSG og mikill aðdáandi Yamal.

PSG er að vonast til þess að umboðsmaður Yamal muni vega þungt í viðræðunum en það er Portúgalinn Jorge Mendes, sem er með á annan tug leikmanna hjá báðum félögum.