Liverpool er að kaupa varnarmanninn Ibrahima Konate frá RB Leipzig í Þýskalandi.
Ítalski fjölmiðlmaðurinn Fabrizio Romano, sem er alltaf áreiðanlegur, gengur svo langt að staðfesta þetta.
„Hann mun ganga til liðs við Liverpool fljótlega. Það náðist persónulegt samkomulag í apríl um samning til júní 2026," sagði Romano á Twitter.
Talið er að Liverpool borgi 35 milljónir evra fyrir Konate.
Konate er 21 árs gamall og hefur verið á mála hjá Leipzig frá 2017. Hann spilaði með U21 landsliði Frakka í riðlakeppni Evrópumótsins í síðasta mánuði.
Romano segir að það sé ólíklegt að Liverpool kaupi Ozan Kabak, sem hefur verið í láni hjá félaginu frá Schalke.
Liverpool hafnaði í þriðja sæti ensku úrvalsdeildarinnar og spilar í Meistaradeildinni á næsta tímabili.
Liverpool will complete the signing of Ibrahima Konaté from RB Leipzig, confirmed. He’ll join #LFC soon. Personal terms agreed since April until June 2026. Here we go soon...⏳🔴 #LFC
— Fabrizio Romano (@FabrizioRomano) May 24, 2021
Liverpool have not decided yet about Ozan Kabak buy option - ‘unlikely’ as of today. 🇹🇷 https://t.co/j4codIsBnD
Athugasemdir