Stjarnan fór illa með KA á Samsungvellinum í dag og Ísak Snær innsiglaði sigur Blika gegn Fram.
Stjarnan hóf leikinn af miklum krafti en Örvar Eggertsson kom liðinu yfir strax á þriðju mínútu. Jóhann Árni átti góða sendingu á Örvar inn á teiginn og hann skoraði af öryggi.
Emil Atlason skoraði annað markið stuttu síðar og það stefndi í að Stjarnan myndi gera út um leikinn strax í upphafi.
Þriðja markið kom hins vegar ekki fyrr en í upphafi síðari hálfleiks og þá var brekkan orðin ansi brött fyrir Norðanmenn. Helgi Fróði bætti fjórða markinu við og Róbert Frosti negldi síðasta naglann í kistu KA manna stuttu síðar.
Stjarnan 5 - 0 KA
1-0 Örvar Eggertsson ('3 )
2-0 Emil Atlason ('11 )
3-0 Emil Atlason ('48 )
4-0 Helgi Fróði Ingason ('74 )
5-0 Róbert Frosti Þorkelsson ('77 )
Lestu um leikinn
Það var mögnuð endurkoma hjá Blikum á Lambahagsvellinum í kvöld en Guðmundur Magnússon kom heimamönnum yfir. Fram var ekki lengi í paradís þar sem Viktor Karl jafnaði metin þegar hann lék laglega á Kyle McLagan og var skyndilega kominn einn á móti Ólafi Íshólm og skoraði.
Blikar vildu fá vítaspyrnu þegar Kristinn Jónsson var tekinn niður í teignum snemma í síðari hálfleik en ekkert dæmt.
Aron Bjarnason kom Blikum yfir eftir vel útfærða skyndisókn þegar um stundafjórðungur var eftir. Blikarnir gengu á lagið og Viktor Karl bætti þriðja markinu við, Ólafur Íshólm nagar sig í handabökin en hann hefði sennilega átt að verja laflaust skot Viktors.
Ísak Snær og Kristinn Steindórsson komu inn á sem varamenn og þeir gerðu út um leikinn stuttu síðar þegar Kristinn sendi Ísak einan í gegn og hann skoraði sitt fyrsta mark í sumar.
Fram 1 - 4 Breiðablik
1-0 Guðmundur Magnússon ('15 )
1-1 Viktor Karl Einarsson ('20 )
1-2 Aron Bjarnason ('73 )
1-3 Viktor Karl Einarsson ('83 )
1-4 Ísak Snær Þorvaldsson ('85 )
Lestu um leikinn
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 10 | 8 | 1 | 1 | 25 - 10 | +15 | 25 |
| 2. Breiðablik | 10 | 7 | 1 | 2 | 24 - 12 | +12 | 22 |
| 3. Valur | 10 | 6 | 3 | 1 | 23 - 12 | +11 | 21 |
| 4. FH | 9 | 4 | 2 | 3 | 16 - 16 | 0 | 14 |
| 5. ÍA | 9 | 4 | 1 | 4 | 18 - 13 | +5 | 13 |
| 6. Fram | 9 | 3 | 4 | 2 | 12 - 12 | 0 | 13 |
| 7. Stjarnan | 10 | 4 | 1 | 5 | 17 - 18 | -1 | 13 |
| 8. KR | 9 | 3 | 2 | 4 | 18 - 19 | -1 | 11 |
| 9. Vestri | 9 | 3 | 1 | 5 | 11 - 20 | -9 | 10 |
| 10. HK | 9 | 2 | 1 | 6 | 8 - 17 | -9 | 7 |
| 11. KA | 9 | 1 | 2 | 6 | 13 - 23 | -10 | 5 |
| 12. Fylkir | 9 | 1 | 1 | 7 | 12 - 25 | -13 | 4 |
