Fyrstu tveimur leikjum dagsins í Evrópuhluta undankeppni HM er lokið. Þar höfðu Svartfjallaland og Rússland betur á heimavelli gegn Gíbraltar og Slóveníu.
Þá fór einn leikur fram í Afríkuhlutanum þar sem Kwame Quee lék allan leikinn í markalausu jafntefli.
Kwame leikur fyrir Síerra Leóne sem gerði jafntefli við Lesótó í dag. Jafnteflið er svekkjandi fyrir Kwame og félaga sem geta þó enn komist upp úr sínum riðli með sigri gegn Benín í lokaumferðinni.
Síerra Leóne er búið að gera fjögur jafntefli, þar á meðal tvö gegn Nígeríu, og tapa einum leik - á útivelli gegn Benín.
Lesótó 0 - 0 Síerra Leóne
Í Evrópu skoraði Artem Dzyuba bæði mörkin er Rússland hafði betur gegn Slóveníu.
Dzyuba skoraði bæði mörkin í fyrri hálfleik og skömmu síðar tókst Josip Ilicic að minnka muninn.
Slóvenar fengu fín færi til að jafna en inn vildi boltinn ekki og urðu lokatölur 2-1. Liðin mættust í annarri umferð og eru Rússar með sex stig og Slóvenar þrjú.
Þá skoruðu Svartfellingar fjögur í auðveldum sigri gegn Gíbraltar.
Svartfellingar eru með sex stig eftir tvær umferðir. Gíbraltar er án stiga.
Russia 2 - 1 Slovenia
1-0 Artem Dzyuba ('26 )
2-0 Artem Dzyuba ('35 )
2-1 Josip Ilicic ('36 )
Svartfjallaland 4 - 1 Gíbraltar
1-0 Fatos Beciraj ('26 )
1-1 Reece Styche ('30 , víti)
2-1 Marko Simic ('43 )
3-1 Zarko Tomasevic ('53 )
4-1 Stevan Jovetic ('80 )
Athugasemdir
