Sam Johnstone, markvörður West Brom, bjargaði frábærlega undir lok leiksins gegn Liverpool í ensku úrvalsdeildinni í kvöld.
West Brom gerði 1-1 jafntefli við Liverpool og er fyrsta liðið til að sækja stig gegn Liverpool á útivelli í deildinni á þessari leiktíð.
Sadio Mane kom Liverpool yfir snemma leiks og leiddu heimamenn alveg þangað til á 82. mínútu, en þá jafnaði varnarmaðurinn Semi Ajayi fyrir West Brom með skalla eftir hornspyrnu - stöngin inn.
Liverpool fékk tækifæri til að vinna leikinn þegar Roberto Firmino fékk dauðafæri, en Johnstone varði frábærlega frá honum.
Allt það helsta úr leiknum má sjá hér að neðan en myndbandið birtist fyrst á vef Morgunblaðsins.
Athugasemdir