Jakob Snær Árnason.
KA er búið að bæta við sig leikmanni á þessum gluggadegi. Jakob Snær Árnason er búinn að skipta frá nágrönnunum í Þór.
Jakob lék sinn fyrsta leik fyrir Þór árið 2015 og hefur verið lykilmaður síðustu þrjú tímabil. Hann hefur skorað tvö mörk í deildinni á þessari leiktíð og skoraði annað mark liðsins í 2-1 sigri á Grindavík í Mjólkurbikarnum.
Hann hefur fengið staðfest félagaskipti í KA á vefsíðu KSÍ og gæti því spilað með liðinu gegn Keflavík 3. ágúst næstkomandi.
KA situr í fimmta sæti Pepsi Max-deildarinnar á meðan Þór er í sjöunda sæti Lengjudeildarinnar.
Fótbolti.net er með beina lýsingu frá gluggadeginum en hægt er að nálgast hana hérna.
Athugasemdir
