Brasilíski kantmaðurinn Antony verður kynntur sem nýr leikmaður Manchester United á næstu dögum eftir að Ajax samþykkti risatilboð í leikmanninn.
Man Utd greiðir 100 milljónir evra fyrir Antony, sem er aðeins 22 ára og skrifar undir fimm ára samning.
Antony er með læknisskoðun bókaða á morgun, þriðjudag, og er nýlentur á Englandi ásamt umboðsmönnum sínum.
Hann verður fimmti leikmaðurinn til að ganga í raðir Rauðu djöflanna í sumar eftir Tyrell Malacia, Christian Eriksen, Lisandro Martínez og Casemiro.
Heildar kaupverð fyrir þessa fimm leikmenn er rétt tæplega 200 milljónir punda þó Eriksen hafi komið á frjálsri sölu.
Athugasemdir