Fjórir af drengjunum.
Dagana 4.-9. nóvember næstkomandi munu átta strákar á vegum KA fara til æfinga hjá danska félaginu FC Midtjylland.
„Strákarnir fá þar að æfa við aðstæður sem eru á pari við þær bestu á Norðurlöndunum og verður gaman fyrir þá að kynnast slíku umhverfi," segir á vef KA.
„Strákarnir fá þar að æfa við aðstæður sem eru á pari við þær bestu á Norðurlöndunum og verður gaman fyrir þá að kynnast slíku umhverfi," segir á vef KA.
FC Midtjylland hefur orðið danskur meistari árin 2015 og 2018 auk þess sem þeir urðu bikarmeistarar árið 2019.
Mikael Anderson er í aðalliði Midtjylland og þeir Elías Rafn Ólafsson og bræðurnir Danijel og Nikola Djuric eru einnig á mála hjá félaginu. Elías er í láni hjá Aarhus Fremad í dönsku C-deildinni í dag.
„Það er von okkar í KA að samstarfið milli KA og FC Midtjylland haldi áfram næstu ár og fleiri slíkar heimsóknir verði farnar á næstu árum."
Drengirnir sem fara í þetta skemmtilega verkefni eru fæddir árin 2004-2007 og eru þeir Björgvin Máni Bjarnason, Hákon Orri Hauksson, Ágúst Ívar Árnason, Sindri Sigurðsson, Dagbjartur Búi Davíðsson, Elvar Máni Guðmundsson, Valdimar Logi Sævarsson og Mikael Breki Þórðarson.
Með drengjunum í för verða þjálfararnir Hallgrímur Jónasson og Aðalbjörn Hannesson en þeir munu taka þátt í öllum æfingum og fá að kynnast starfi FC Midtjylland.
Athugasemdir
