Njarðvík hefur nælt í brasilíska miðjumanninn Joao Ananias en þessi 31 árs gamli miðjumaður mun leika með Njarðvík næstu tvö tímabil.
Hann hefur leikið 100 leiki í næst efstu deild í Brasilíu og skorað tvö mörk. Þá hefur hann leikið í Lettlandi og Albaníu.
Njarðvík tryggði sér þátttökurétt í Lengjudeildinni næsta sumar en liðið vann 2. deildina svo liðið er að styrkjast fyrir átökin í deild ofar.
„João Ananias mun án efa styrkja lið Njarðvíkur mikið og verður mikilvægur hlekkur til að ná markmiðum sumarsins. Félagið býður João velkominn og væntir mikils af honum." Segir í tilkynningu félagsins.
Athugasemdir