Ramos, sem er 21 árs gamall, vakti athygli með portúgalska landsliðinu á HM í Katar í desember síðastliðnum.

Ramos er á mála hjá Benfica í heimalandinu en hann hefur á þessari leiktíð skorað 26 mörk í 46 keppnisleikjum.

Ramos hefur verið orðaður við Man Utd en Fernandes telur að hann geti spilað þar.

„Ef hann heldur áfram að leggja mikið á sig þá hef ég trú á því að hann geti orðið einn af bestu sóknarmönnum í heimi," sagði Fernandes í samtali við Sportv.

„Hann hefur gæðin til að spila í ensku úrvalsdeildinni, og þá er ég líka að tala um Manchester United."

Ramos er í portúgalska landsliðinu sem kemur til Íslands í næsta mánuði.