Obi-Martin er 16 ára gamall og fæddur í Danmörku en flutti ungur að árum til Englands.

Hann kom sér í fréttirnar á síðasta tímabili er hann skoraði 10 mörk í 14-3 sigri U16 ára liðs Arsenal á Liverpool. Þá skoraði hann 7 mörk fyrir U18 ára liðið gegn Southampton.

Arsenal gerði allt til að halda honum en tókst ekki að sannfæra hann um að vera áfram. Í gær staðfesti hann síðan brottför sína frá félaginu.

Fabrizio Romano segir að Obi-Martin hafi samþykkt samningstilboð frá Manchester United, en hann er sagður afar spenntur fyrir verkefninu sem er í gangi þar.

United hafði þar betur í baráttunni gegn Arsenal og þýsku félögunum Bayern München og Borussia Dortmund.