Nýliðar Ipswich Town eru áfram í viðræðum við Blackburn Rovers um sóknarmanninn Sammie Szmodics. Sky Sports greinir frá.
Szmodics var markahæsti maður ensku B-deildarinnar á síðasta tímabili með 27 mörk.
Blackburn spilaði langt undir getu á tímabilinu en Szmodics kom vel frá sínu.
Líklega mun þessi öflugi framherji spila í ensku úrvalsdeildinni á næstu leiktíð en Ipswich er í viðræðum við Blackburn um kaup á honum.
Viðræður ganga vel og eru stjórnarmenn Ipswich vongóðir um að ná samkomulagi á næstu dögum. Leikmaðurinn vill ganga í raðir Ipswich og ættu því samningamálin að vera formsatriði.
Szmodics er 28 ára gamall og hefur leikið 4 A-landsleiki fyrir Írland.
Athugasemdir
