Nuno Santos, markvarðarþjálfari Tottenham, hefur verið dæmdur í eins leiks bann og fengið sekt að andvirði rúmlega 1,4 milljónum króna.
Santos fór upp að dómaranum Peter Bankes eftir 1-1 jafntefli gegn Newcastle síðustu helgi og lét hann heyra það.
Santos var líklega ósáttur við vítaspyrnuna sem Newcastle fékk í uppbótartíma eftir að boltinn fór í hendi Eric Dier. Callum Wilson jafnaði metin úr vítaspyrnunni.
Santos viðurkenndi það að hafa brotið af sér og verður hann ekki á varamannabekknum hjá Tottenham í næsta deildarleik liðsins sem er gegn Manchester United næsta sunnudag.
Athugasemdir