Bruno Fernandes gæti spilað sinn fyrsta leik með Manchester United gegn Wolves í ensku úrvalsdeildinni á morgun.
Fernandes skrifaði undir fimm og hálfs árs samning við Manchester United en hann kemur til félagsins frá Sporting Lisabon.
„Hann er klár í að spila og verður pottþétt í hópnum," sagði Ole Gunnar Solskjær, stjóri United, á fréttamannafundi í dag.
„Það hafa verið viðburðaríkir dagar hjá honum undanfarið og dóttir hans átti meira segja þriggja ára afmæli í gær."
„Ég veit ekki hversu mikið hann kemur við sögu en hann verður í hópnum."
Athugasemdir