Landsliðsmarkvörðurinn Rúnar Alex Rúnarsson hefur fengið félagaskipti frá Arsenal til Leuven í Belgíu.
Rúnar Alex var keyptur til Arsenal síðasta haust frá Dijon í Frakklandi og var varamarkvörður fyrsta hálfa tímabilið. Eftir áramót varð hann svo þriðji markvörður í röðinni.
Eftir að Aaron Ramsdale var keyptur í sumar varð ljóst að Rúnar yrði áfram aftarlega í röðinni hjá Arsenal.
Hann vildi fá að spila og er því farinn til Belgíu á láni út yfirstandandi tímabil.
Arsenal óskar Rúnari góðs gengis í Belgíu með nýju félagi.
Rúnar Alex er í landsliðshópi Íslands fyrir komandi landsleiki gegn Rúmeníu, Norður-Makedóníu og Þýskalandi.
Athugasemdir