Tilfinningin eftir Evrópumótið 2022 er allt öðruvísi en fyrir fimm árum síðan. Meira »

Ég er búinn að vera hérna undanfarna fjóra daga, en ég kann ekki enn að bera fram nafnið á þessum 23 þúsund manna sem er að finna í Bæjarlandi.

Herzogenaurach er bara 'Herzo' í mínum augum og verður það líklega alltaf. Meira »

Íslenska landsliðið fékk alvöru prófraun í gær þegar þær mættu Póllandi í vinátttulandsleik í smábænum Grodzisk Wielkopolski. Meira »

Eignarhald þriðja aðila á knattspyrnumönnum hefur lengi verið umdeilt og dularfullt efni. En hvernig virkar slíkt fyrirkomulag? Af hverju er þetta fyrirkomulag umdeilt? Og loks er þessi skipan lögleg samkvæmt gildandi reglum FIFA? Markmið þessar greinar er að svara framangreindum spurningum á stuttan og hnitmiðaðan hátt. Meira »

Íslenska karlalandsliðið í knattspyrnu á undir högg að sækja. Eftir undraverðan árangur liðsins á undanförnum árum þá hefur hallað undan fæti, svo mjög að knattspyrnuáhugafólk virðist hafa verulegar áhyggjur af gangi mála. Mig langar í þessum stutta pistli að koma inn á nokkra punkta sem tengjast núverandi stöðu liðsins.

Meira »

Fótboltinn veltir gríðarlegum fjármunum og það er dapurlegt að mikil spilling hefur fylgt á eftir. Það er sama hvort um er að ræða litlar stofnanir eins og KSÍ eða þær allra stærstu eins og FIFA. Sumir halda ef til vill að þetta ástand sé óhjákvæmilegt en þó svo að spillingarvarnir gætu verið mun betri þá er verið að gera suma spillta forystu menn ábyrga og afl stuðningsmanna má ekki vanmeta. Þeir hafa sýnt krafta sína eins og í mótmælunum gegn fyrirhugaðri stofnun Ofur-deildarinnar og skipuleggjendur þurftu að hætta við aðeins þremur dögum eftir að hafa tilkynnt um deildina.

Meira »

Tæknivæðing fótboltans síðustu 20 árin hefur verið víðtæk. Allt frá íþróttavísindum sem beytt er á æfingasvæðinu til myndbandsdómgæslu (VAR) í sérstökum tilvikum inn á vellinum. Þetta hefur gjörbreytt hvernig íþróttir er spiluð og hvernig við horfum á hana og spjöllum um hana en við hljótum að spurja okkur hvort þær breytingar hafi verið til bóta.

Meira »

Um fátt er rifist af jafn mikilli heift og ástríðu eins og dóma og reglur í knattspyrnu og það er vissulega hluti af leiknum. Sumir hafa jafnvel langmest gaman af því. Knattspyrnan er hátt í 200 ára gömul og reglur leiksins hafa tekið miklum breytingum og er sú saga mjög áhugaverð.

Meira »

Markmiðið með skýrslunni var að komast að niðurstöðu á hlutfallslegum mismun miðað við hvort lið sé að spila á heima- eða útivelli í Bestu deild karla.

Á sama tíma var markmiðið að líta á hvaða félög það eru sem hafa mestan og minnstan mismun á sigurhlutföllum miðað við hvort þau séu að spila á heima- eða útivelli. Meira »

Á þessum degi, 15. apríl árið 2002 opnaði ég Fótbolti.net í fyrsta sinn og vefurinn er því 20 ára í dag.

Meira »

Einn hatrammasti nágrannaslagur heims milli Rauða Stjörnunnar og Partizan í Serbíu. Maður hefur oft hugsað út í það að einn daginn verði maður að upplifa viðureign þessara liða. Sú hugsun mín hefur ágerst allsvakalega eftir gærdaginn.

Með því að elta kvennalandsliðið gafst tækifæri á að kíkja á heimaleik hjá Rauðu Stjörnunni, bikarleik gegn TSC Bačka Topola. Bikarinn í Serbíu trekkir ekki jafn mikið að og deildin og Marakana völlurinn, eins og heimamenn kalla hann, var tómlegur um að litast meðan leikurinn fór fram.

En fyrir aftan annað markið, þar sem heitustu stuðningsmenn Rauðu Stjörnunnar halda sig, myndaðist góður og hávær hópur. Það voru sprengjur, það voru blys, hávær söngur, klósettpappír var kastað og slökkviliðsmenn og hermenn í viðbragðsstöðu á þessum niðurgrafna leikvangi.

Stemningin gaf sterkar vísbendingar um það hvernig andrúmsloftið er á Belgradslagnum, ef maður er sæmilegur í margföldun. Hitinn í leiknum sjálfum var býsna mikill og næstum hver einasti maður í starfsliðum beggja liða fékk að líta spjald, gult eða rautt. Meira »

Arnar Þór Viðarsson hefur í tæpt eitt og hálft ár verið þjálfari karlalandsliðsins og nú er rétt rúmlega eitt ár frá því hann stýrði sínum fyrstu leikjum. Þeir voru í undankeppni HM í mars í fyrra; tap gegn Þýskalandi, slæmt tap gegn Armeníu og skyldusigur gegn Liechtenstein staðreynd.

Arnar kynnti fyrir flestum leikmönnum liðsins nýtt leikkerfi, 4-1-4-1, sem ekki hafði verið spilað áður í A-landsliðinu. Leikkerfinu 4-4-2 eða 4-4-1-1 var ýtt til hliðar og nú átti að fara nýja leið – einn djúpur miðjumaður og önnur nálgun en hafði hjálpað liðinu að ná besta árangri í sögu landsliðsins.

Það var fljótt ljóst að það myndi taka talsverðan tíma að koma þessari nýju nálgun í gegn. Gamli landsliðsfyrirliðinn átti í erfiðleikum í sínu hlutverki og menn tengdu verr en áður. Í kjölfarið fór svo að kvarnast úr hópnum af ýmsum ástæðum, sumir voru komnir á þann stað ferilsins að tími var kominn til að kalla þetta gott en aðrir hafa ekki spilað síðan vegna annarra ástæðna.

Gengið í þjálfaratíð Arnars hefur hreint ekki verið gott. Öflugustu úrslitin komu úti í Póllandi þegar jafntefli náðist í æfingaleik í júní í fyrra. Sigrarnir hafa einungis verið þrír og komu þeir gegn Liechtenstein í keppnisleikjum og í æfingaleik gegn Færeyjum.

Í þessum pistli ætla ég, fréttaritari Fótbolta.net, að vekja athygli á hlutum sem ég sem fjölmiðlamaður með enga þjálfaramenntun set spurningamerki við á þessu fyrsta ári Arnars í starfi. Þetta eru atriði eins og val á leikmönnum, leikkerfi, svör við spurningum fjölmiðlamanna og val á æfingaleikjum. Meira »

Á fimmtudag síðustu viku birtist grein eftir mig á miðlunum fotbolti.net og akureyri.net .

Ég var búinn að ákveða fyrir birtinguna að tjá mig ekki frekar um þau mál sem þar var fjallað um. Gerði fyrirfram ráð fyrir að ekki yrðu allir á eitt sáttir við skrifin og jafnvel yrði vegið að höfundi á samfélagsmiðlum og í greinarskrifum annars staðar. Ég er sem betur fer ekki á samfélagsmiðlum þannig að skrif þar sé ég ekki. Meira »

KSÍ var með ársþing sitt 26. febrúar síðastliðinn í Haukahúsinu í Hafnarfirði. Formannskjör og kosning í stjórn vöktu, kannski eðlilega, mesta athygli en þingið fór fram með afar hefðbundum og formföstum hætti. Öll umgjörð af hálfu Hauka og skipulag var til fyrirmyndar, sem unnu vel innan hins formfasta skipulags, og afar vel mætt á þingið. Meira »

Tvær þjóðir hafa stigið fram og tilkynnt um ætlun sína að spila ekki gegn Rússlandi í undankeppni HM í næsta mánuði. Meira »

Er ekki orðið tímabært að varpa sviðsljósinu yfir á þau gæði sem einstaklingar búa yfir? Meira »

Það er þekkt umræða á Íslandi að barnastarfið hjá knattspyrnuhreyfingunni sé á heimsmælikvarða. Ég ætla ekki að dæma um það hér að öðru leyti en að það er morgunljóst að börn á Íslandi fá að æfa og spila við góðar aðstæður á flestum stöðum. Fótboltamótin sem félögin halda eru stórkostleg ævintýri, innan vallar sem utan, fyrir krakkana og foreldra þeirra.

Meira »

Nú þegar formannskjör KSÍ stendur fyrir dyrum er fólki heitt í hamsi. Þó það sé réttur hvers og eins að setja fram sína skoðun á mönnum og málefnum væri það til mikilla bóta að stuðst væri við staðreyndir. Meira »

Nú langar mig að setja á blað nokkra punkta er varða neðri deildar bikar karla. Fyrir Ársþingi KSÍ liggur tillaga um að árið 2023 verði sett á fót bikarkeppni í neðrideildum karla. Mikil rómantík á að skapast í kringum það að bæta við bikarkeppni og fá mögulega úrslitaleik á Laugardalsvelli. Lagt er til að 32 lið komist í keppnina og eru það þau lið sem leika í 2. og 3. deild ásamt liðunum sem féllu úr 3. deild árið áður og liðum þrjú til átta í 4. deild árið áður. Leikið verður samkvæmt úrsláttakeppni. Meira »

Fram undan er ársþing KSÍ þar sem meðal annars verður kosið á milli tveggja frambjóðenda í embætti formanns hreyfingarinnar. Mig langar til að leggja orð í belg og vekja athygli á nokkrum mikilvægum atriðum er varða stöðu, annars frambjóðandans og þeirra samtaka sem hann er fulltrúi fyrir. Meira »