Ágúst Gylfason.
,,Það var gott að skora tvö mörk hérna en ég var mjög ósáttur við liðið í heildina," sagði Ágúst Gylfason þjálfari Fjölnis eftir 2-2 jafntefli við BÍ/Bolungarvík á Ísafirði í gær.
,,Við sýndum karakter í lokin og náðum að jafna á síðustu sekúndunni sem gefur okkur eitt stig en heilt yfir vorum við ekki nógu góðir í dag. Við vorum værukærir og misstum þá oft innfyrir okkur og það skilaði með rauðu spjaldi á markmanninn okkar og víti og þeir komust í 2-1. En góður karakter engu að síður hjá okkur."
Ágúst var spurður hvort hann ætli að styrkja liðið sitt í félagaskiptaglugganum sem er opinn út næsta þriðjudag.
,,Við erum búnir að missa menn sem voru í láni hjá okkur og setja tvo þrjá menn í önnur lið. Við erum reyndar með stóran hóp, 25 manns á æfingu, en við erum alltaf opnir fyrir góðum leikmönnum en það er erfitt að finna þá. Ef einhver er tilbúinn að koma í Fjölni þá erum við alltaf tilbúnir að skoða möguleikana."
,,Það er stutt í þetta, 1. ágúst á miðvikudaginn og það gæti alveg verið að við myndum taka einn eða tvo leikmenn fyrir það. Það eru nokkur nöfn sem við erum að skoða, 4-5 nöfn og við sjáum til með hvernig það fer."
Nánar er rætt við hann í sjónvarpinu að ofan.
