Aron Sigurðarson.
Á kynningarfundi Bestu deildarinnar var birt niðurstaða úr leikmannakönnun. Leikmenn voru spurðir hver yrði besti leikmaður deildarinnar á komandi tímabili. Aron Sigurðarson (1993) fékk flestu atkvæðin og næstur á eftir honum kom Gylfi Þór Sigurðsson.
Fótbolti.net ræddi við fyrirliða KR eftir kynningarfundinn.
Fótbolti.net ræddi við fyrirliða KR eftir kynningarfundinn.
„Ég er spenntur, við erum búnir að eiga gott undirbúningstímabil og við erum klárir. Ég get ekki beðið eftir að þetta byrji," segir Aron.
„Þetta er skemmtilegt, maður er pínu stoltur, en auðvitað á eftir að spila þetta mót og það eru frábærir leikmenn í þessari deild. Það er alveg pínu kitl að leikmenn kjósi mann, ég lýg því ekki."
Sterkari andlega eftir tímabilið í fyrra
Aroni líst vel á KR liðið þegar fjórir dagar eru í fyrsta deildar leik.
„Meira lið, meiri heild og orðnir sterkari andlega eftir tímabilið í fyrra finnst mér. Það eru spennandi tímar framundan."
Á síðasta tímabili spilaði KR úrslitaleik um að halda sæti sínu í deildinni.
Þarf að halda í gildin þótt búið sé að kveikja ljósin
KR tekur á móti Keflavík í fyrsta leik.
„Við þurfum að eiga góða frammistöðu, vera orkumiklir, gíraðir, þora að halda í boltann, þora að spila eftir okkar gildum þó að það sé kviknað á ljósunum og tímabilið sé að byrja. Við þurfum að gera okkar, ef við ætlum að verða betri í því sem við erum að gera, þá þurfum við að þora spila þegar alvaran byrjar. Þannig vinnum við öll liðin í deildinni."
„Ég get ekki beðið eftir því að spila fyrir framan stuðningsmennina. Ég hefði kosið að spila á Meistaravöllum í bikarnum en af því að við búum á Íslandi þá þurftum við að færa hann inn. Ég get ekki beðið eftir því að spila á vonandi fullum Meistaravöllum."
1. umferðin í Bestu
föstudagur 10. apríl>
19:15 Víkingur R.-Breiðablik (Víkingsvöllur)
sunnudagur 12. apríl
13:00 ÍBV-FH (Hásteinsvöllur)
17:00 KR-Keflavík (Meistaravellir)
17:00 Valur-Þór (N1-völlurinn Hlíðarenda)
17:00 KA-Stjarnan (Greifavöllurinn)
19:30 Fram-ÍA (Lambhagavöllurinn)
