Elvar Geir Magnússon skrifar frá Slóveníu
Gylfi Þór Sigurðsson.
Nú er nýlokið leik Slóveníu og Íslands sem endaði með 2-1 útisigri íslenska liðsins. Hér að neðan má sjá einkunnagjöf leikmanna.
Hannes Þór Halldórsson - 8
Gat ekkert gert við markinu og bjargaði oft vel í seinni hálfleik. Sjálfstraustið enn í botni hjá Hannesi sem hefur átt frábæra undankeppni.
Birkir Már Sævarsson - 5
Var nokkuð oft í vandræðum.
Sölvi Geir Ottesen - 5
Skortur á leikæfingu virtist hrjá Sölva sem var stundum í basli. Átti dapra hreinsun í marki Slóvena.
Ragnar Sigurðsson - 7
Ragar var öruggur í nánast öllum aðgerðum sínum.
Ari Freyr Skúlason - 6
Átti fínan leik en var minna virkur sóknarlega en áður.
Birkir Bjarnason - 6
Duglegur að vanda en skilaði boltanum ekki nægilega vel frá sér í fyrri hálfleik. Átti að gera betur í lofandi sókn rétt fyrir mark Slóvena.
Gylfi Þór Sigurðsson - 9 (Maður leiksins)
Skoraði tvö. Geislar af sjálfstrausti. Fyrra mark hans var hreint stórfenglegt og eitt fallegasta mark sem íslenskt landslið hefur skorað.
Aron Einar Gunnarsson - 7
Það er mikill munur á íslenska liðinu þegar Aron er með. Á jákvæðan hátt.
Emil Hallfreðsson - 6
Var nokkuð sveiflukenndur í leiknum,
Kolbeinn Sigþórsson - 7
Ógnandi í seinni hálfleiknum og var nálægt því að' skora.
Alfreð Finnbogason - 5
Íslenska liðið var ekki nægilega öflugt í fyrri hálfleik svo einhverjar breytingar þurfti að gera. Alfreð var ekki slakari en hver annar en var fórnað.
Varamenn:
Jóhann Berg Guðmundsson - 7
Eiður Smári Guðjohnsen - 7
Athugasemdir
