Heimir á hliðarlínunni í Katar.
Heimir Hallgrímsson, landsliðsþjálfari, var vonsvikinn eftir 1-1 jafntefli gegn Katar í vináttulandsleik í dag.
„Það er fyrst og fremst bara vonbrigði," sagði Heimir aðspurður að því hvað væri það fyrsta sem færi í gegnum hugann á honum eftir leikinn.
„Það jákvæða er varnarleikurinn í seinni hálfleik, við spiluðum með öðruvísi leikaðferð. Við ætluðum, sama hvernig staðan væri í leiknum, að bakka aftarlega og spila með þrjá miðverði og mér fannst það ganga vel þangað til við fengum á okkur þetta mark. Það var mjög kostulegt þar sem við vorum með þrjá miðverði."
„Það er fyrst og fremst bara vonbrigði," sagði Heimir aðspurður að því hvað væri það fyrsta sem færi í gegnum hugann á honum eftir leikinn.
„Það jákvæða er varnarleikurinn í seinni hálfleik, við spiluðum með öðruvísi leikaðferð. Við ætluðum, sama hvernig staðan væri í leiknum, að bakka aftarlega og spila með þrjá miðverði og mér fannst það ganga vel þangað til við fengum á okkur þetta mark. Það var mjög kostulegt þar sem við vorum með þrjá miðverði."
Lestu um leikinn: Katar 1 - 1 Ísland
Heimir var ekki sáttur með fyrri hálfleikinn.
„Við vorum mjög óánægðir, ég ætla að vera hreinskilinn með það. Það var ekkert tempó, ekki tempó í sendingum, ekki tempó í hlaupum og ekki hugsun. Þeir voru á undan okkur í allt."
„Við töluðum um í hálfleik að ef við ætlum til Rússlands og spila gegnum bestu leikmönnum í heimi, þá þarf ansi margt að breytast á næstu sex mánuðunum til að við verðum samkeppnishæfir þar."
Ferðin til Katar vekur bæði upp gleði og svekkelsi hjá Heimi.
„Þetta var fyrst og fremst eins og við ætluðum okkur, þetta var að hluta til afslöppunarferð og hristi hópinn saman, það var gaman hjá hópnum og það heppnaðist vel. Við erum auðvitað hundfúlir með úrslitin."
„Þetta var líka möguleiki fyrir leikmenn að stíga upp og sýna hvað þeir geta, þeir fengu núna tvo leiki til þess. Við vildum fá svör og það
er gott að fá svör, þótt þau séu neikvæð. Sumir nýttu tækifærið og aðrir gerðu það ekki, þannig er það bara."
„Nú förum við að undirbúa janúarferð sem verður líka skemmtilegt," sagði hann að lokum.
Viðtalið í heild sinni er hér að ofan.
Athugasemdir
