Birkir Már Sævarsson (Valur)
Birkir Már átti þrusuflottan leik í kvöld.
Birkir Már Sævarsson var valinn maður leiksins í toppslag Vals og Breiðabliks í 17. umferð Pepsi-deildarinnar í dag. Hann er jafnframt maður umferðarinnar.
„Birkir var frábær í kvöld, fékk vítaspyrnuna sem kom Val yfir og átti frábæran sprett og lykilsendingu í öðru markinu. Virkilega öflugur bæði í vörn og sókn í kvöld," skrifaði Egill Sigfússon, fréttaritari Fótbolta.net, um frammistöðu Birkis.
Egill ræddi við Birki eftir leik og má sjá viðtalið í spilaranum hér að ofan.
„Birkir var frábær í kvöld, fékk vítaspyrnuna sem kom Val yfir og átti frábæran sprett og lykilsendingu í öðru markinu. Virkilega öflugur bæði í vörn og sókn í kvöld," skrifaði Egill Sigfússon, fréttaritari Fótbolta.net, um frammistöðu Birkis.
Egill ræddi við Birki eftir leik og má sjá viðtalið í spilaranum hér að ofan.
Lestu um leikinn: Breiðablik 1 - 3 Valur
„Tilfinningin er mjög góð, þrátt lélegan seinni hálfleik þá sigldum við þessu heim," segir Birkir.
„Við vorum að spila gegn góðu liði og það var viðbúið að þeir myndu rífa sig aðeins í gang eftir fyrri hálfleikinn þar sem við vorum miklu betri. Að sjálfsögðu koma þeir aðeins framar á völlinn. Þeir tóku yfir leikinn í seinni hálfleik á meðan við duttum of aftarlega."
Birkir um vítaspyrnudóminn:
„Þetta var hárréttur dómur. Hann fer í löppina á mér þegar ég er að fara að sparka og ég sparka niður í jörðina."
Valsmenn eru á toppnum og Birki lýst vel á framhaldið.
„Það er fullt af skemmtilegum leikjum framundan. Það er nóg eftir af mótinu og við erum ekkert ánægðir með að vera á toppnum núna. Við þurfum að halda áfram með okkar leik."
Birkir og félagar féllu úr leik í forkeppni Evrópudeildarinnar í síðustu viku með ótrúlegum naumindum. Sheriff frá Moldavíu sló Val úr leik.
„Það sýnir góðan karakter eftir vonbrigðin á fimmtudag að mæta á Kópavogsvöll og mæta svona góðu liði en eiga góðan leik og vinna. Það er frábært," segir Birkir.
Fyrri leikmenn umferðarinnar
Leikmaður 16. umferðar - Patrick Pedersen (Valur)
Leikmaður 14. umferðar - Ari Leifsson (Fylkir)
Leikmaður 13. umferðar - Ásgeir Sigurgeirsson (KA)
Leikmaður 12. umferðar - Halldór Páll Geirsson (ÍBV)
Leikmaður 11. umferðar - Hilmar Árni Halldórsson (Stjarnan)
Leikmaður 10. umferðar - Kennie Chopart (KR)
Leikmaður 9. umferðar - Jónatan Ingi Jónsson (FH)
Leikmaður 8. umferðar - Guðmundur Steinn Hafsteinsson (Stjarnan)
Leikmaður 7. umferðar - Hallgrímur Mar Steingrímsson (KA)
Leikmaður 6. umferðar - Almarr Ormarsson (Fjölnir)
Leikmaður 5. umferðar - Sito (Grindavík)
Leikmaður 4. umferðar - Aron Jóhannsson (Grindavík)
Leikmaður 3. umferðar - Emil Ásmundsson (Fylkir)
Leikmaður 2. umferðar - Gísli Eyjólfsson (Breiðablik)
Leikmaður 1. umferðar - Sveinn Aron Guðjohnsen (Breiðablik)
Athugasemdir
