Hægri bakvörðurinn Aaron Wan-Bissaka er sagður vera á óskalista Manchester United fyrir sumarið. En hann kveðst ætla að vera áfram hjá Crystal Palace.
Hinn 21 árs gamli Wan-Bissaka kom upp í gegnum akademíuna hjá Crystal Palace og gaf Roy Hodgson honum tækifæri á síðustu leiktíð. Á þessu tímabili er hann búinn að vera frábær fyrir Palace.
Ásamt Manchester United hefur hann líka verið orðaður við Bayern München í Þýskalandi.
Wan-Bissaka er þó samningsbundinn Palace til 2022 og hann hefur lítinn áhuga á því að yfirgefa félagið.
„Ég er leikmaður Crystal Palace. Ég er samningsbundinn þar og ég mun spila þar á næsta tímabili," sagði Wan-Bissaka við Evening Standard Sport.
Sjá einnig:
Wan-Bissaka valinn bestur hjá Palace af leikmönnum og stuðningsmönnum
Athugasemdir