Hákon Rafn Valdimarsson er í markinu aðra umferðina í röð en Grótta vann Fram 3-1 þar sem Hákon hafði nóg að gera. Sölvi Björnsson liðsfélagi hans er einnig í liði umferðarinnar, í fyrsta skipti í sumar.

Njarðvík náði í gríðarlega mikilvægan sigur í fallbaráttunni þegar liðið vann Magna á heimavelli 2-1. Atli Geir Gunnarsson kom Njarðvík yfir í leiknum og stóð síðan vaktina í miðverðinum vel. Á miðjunni hjá Njarðvík var Aliu Djalo einnig traustur.

Haukar og Afturelding gerðu 1-1 jafntefli í botnbaráttuslag á Ásvöllum þar sem varnarmaðurinn, Birgir Magnús Birgisson var besti leikmaður vallarsins.

Á Akureyri var toppbaráttuslagur milli Þórs og Leiknis R. sem endaði með 1-1 jafntefli eftir að Þór hafi komist yfir með marki frá Alvaro Montejo. Leiknismenn jöfnuðu hinsvegar metin, manni færri með marki frá Stefáni Árna Geirssyni sem er í liði umferðarinnar í fimmta sinn í sumar.

Að lokum var það Keflavík sem vann nokkuð öruggan 3-1 sigur á Þrótti í Laugardalnum. Ísak Óli Ólafsson skoraði eitt af mörkum Keflavíkur en þetta var kveðjuleikur hans fyrir félagið en hann er kominn til Danmerkur í atvinnumennsku.

Sjá fyrri lið umferðarinnar:
Lið 17. umferðar
Lið 16. umferðar
Lið 15. umferðar
Lið 14. umferðar
Lið 13. umferðar
Lið 12. umferðar
Lið 11. umferðar
Lið 10. umferðar
Lið 9. umferðar
Lið 8. umferðar
Lið 7. umferðar
Lið 6. umferðar
Lið 5. umferðar
Lið 4. umferðar
Lið 3. umferðar
Lið 2. umferðar
Lið 1. umferðar