Þróttarar unnu 7-0 sigur á Magna.
Pétur Theódór Árnason fagnar marki gegn Njarðvík.
Harley Willard.
Tíundu umferð Inkasso-deildarinnar lauk um helgina. Þróttur R. skoraði sjö mörk gegn Magna og á sex fulltrúa í liðinu. Þórhallur Siggeirsson er þjálfari umferðarinnar og komast Arnar Darri Pétursson, Sindri Scheving, Daði Bergsson, Jasper Van Der Hayden og Rafael Victor í lið umferðarinnar.
Fjölnir er á toppnum eftir góðan útisigur á Leikni. Rasmus Christiansen stóð upp úr í liði Fjölnis.
Aron Elí Sævarsson fékk draumabyrjun í búningi Þórs er hann skoraði í sínum fyrsta leik fyrir félagið. Þór vann 3-0 sigur á Fram og átti Jónas Björgvin Sigurbergsson einnig mjög góðan leik.
Grótta heldur áfram að koma á óvart. Grótta er í öðru sæti, tveimur stigum frá Fjölni. Í fjórða sinn í sumar kemst Pétur Theódór Árnason í lið umferðarinnar. Hann er búinn að vera algjörlega frábær og skora níu mörk í 10 deildarleikjum. Hann skoraði tvennu í 3-1 sigri á Njarðvík. Þar var Axel Freyr Harðarson einnig með mark og stoðsendingu.
Víkingur Ólafsvík vann 2-0 sigur á Aftureldingu og þar var Bretinn Harley Willard maður leiksins.
Sjá fyrri lið umferðarinnar:
Lið 9. umferðar
Lið 8. umferðar
Lið 7. umferðar
Lið 6. umferðar
Lið 5. umferðar
Lið 4. umferðar
Lið 3. umferðar
Lið 2. umferðar
Lið 1. umferðar
Athugasemdir
