Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   mán 01. júlí 2019 15:40
Fótbolti.net
Lið 9. umferðar - Fjórir Fjölnismenn
Bergsveinn og Rasmus eru báðir í liðinu.
Bergsveinn og Rasmus eru báðir í liðinu.
Mynd: Fótbolti.net - Hafliði Breiðfjörð
Vuk Óskar Dimitrijevic var maður leiksins gegn Keflavík.
Vuk Óskar Dimitrijevic var maður leiksins gegn Keflavík.
Mynd: Fótbolti.net - Hafliði Breiðfjörð
9. umferð Inkasso-deildar karla lauk um helgina en gríðarleg spenna er í deildinni. Fjölnir á fjóra fulltrúa í úrvalsliðinu eftir að hafa unnið rosalegan sigur gegn Þór í toppslagnum 4-0, öll mörkin komu í seinni hálfleik.

Hinn efnilegi Jóhann Árni Gunnarsson, miðjumaður Fjölnis, var meðal markaskorara og er í úrvalsliðinu. Þar eru einnig miðverðirnir Rasmus Christiansen og Bergsveinn Ólafsson. Þá er Ásmundur Arnarsson þjálfari umferðarinnar.



Aron Elí Gíslason, markvörður Magna, er í liðinu eftir markalaust jafntefli gegn Víkingi Ólafsvík á Grenivík.

Haukar rúlluðu yfir Njarðvík þar sem Fareed Sadat var meðal markaskorara og var valinn maður leiksins. Bakvörðurinn Aron Elí Sævarsson er einnig í liðinu.

Sigurður Heiðar Höskuldsson tók við þjálfun Leiknis eftir að Stefán Gíslason fékk óvænt starf í Belgíu. Sigurður stýrði Leikni til 3-1 útisigurs gegn Keflavík þar sem Vuk Oskar Dimitrijevic og Sólon Breki Leifsson skoruðu og eru þeir í úrvalsliðinu.

Fram og Þróttur áttust við í Safamýri og þar unnu Framarar flottan 2-1 sigur, tíu gegn ellefu. Már Ægisson var maður leiksins en hann skoraði sigurmarkið á 90. mínútu.

Pétur Theódór Árnason skoraði tvívegis fyrir Gróttu í 3-0 útisigri gegn Aftureldingu. Hann er í úrvalsliðinu, líkt og liðsfélagi hans Kristófer Orri Pétursson.

Sjá fyrri lið umferðarinnar:
Lið 8. umferðar
Lið 7. umferðar
Lið 6. umferðar
Lið 5. umferðar
Lið 4. umferðar
Lið 3. umferðar
Lið 2. umferðar
Lið 1. umferðar
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner